Who Are You?

Guilt ridden, full of fear, anxiety, hatred and selfish ambition. Death and destruction will become overwhelming in every single thing you think, do and desire. It is time to let go of all of these things and focus on God and His plan for your life.

Wash yourselves; make yourselves clean; remove the evil of your deeds from before my eyes; cease to do evil, learn to do good; seek justice, correct oppression; bring justice to the fatherless, plead the widow’s cause.

“Come now, let us reason together, says the Lord:
though your sins are like scarlet, they shall be as white as snow; though they are red like crimson, they shall become like wool.

If you are willing and obedient, you shall eat the good of the land; but if you refuse and rebel, you shall be eaten by the sword; for the mouth of the Lord has spoken.”

(Isaiah 1:16-20)

It has become too easy to focus only on revenge and survival and forgetting your calling. Our call as sons and daughters of the Living God has always been to do good, live out justice, to love and respect people and to walk humbly with our God (Micah 6:8).

With this message I want to remind you who you are and what is and should be important…

MOSSIEDAG

In die konsentrasiekamp, meer as 100 jaar gelede, sit Anette Marais op ’n stomp en skud die stof van haar verslete klere af. Rondom haar sit die groepie bekende gesigte van moeë vrouens. Net ’n paar tree verder is die hoë draad van die konsentrasie kamp. Sy slaan haar Bybel oop en begin lees. Sy het in die donker ure van die nag geworstel met God en Hom gesmeek vir ʼn boodskap om hierdie vrouens te bemoedig, want wie weet hoe lank nog . … ..

Anette lees die woorde van Matt 10:29 – “Is twee mossies nie vir ’n sent te koop nie, en tog sal nie een van hulle op die grond val sonder die wil van julle Vader nie.”

Terwyl sy besig is om hierdie woorde te lees, kom sit daar ’n vaal klein mossie op haar skouer. Die groepie vrouens staar in verbasing na wat voor hulle gebeur, en so word die mossie, die teken van hoop in die onmoontlike omstandighede van die konsentrasie kamp in Bethulie.

Dit was fantasties om in die maande wat volg te sien hoe die mossies van Bethulie ’n baken van geloof en hoop word vir hierdie vrouens.

Op 21 Mei 1902 was die oorlog verby, Anette het op pad terug na haar huis gestop by ’n vrou met invloed en haar vertel van die mossie-boodskap, sy het dit weer oorvertel en Genl Jan Smuts het in 1923 die mossie op die land se kleinste muntstuk (kwartpennie) laat verskyn.

Amper 80 jaar later sit Jak de Priester in ’n park in Londen. Sy geld is op, hy kry nie werk nie, hy mis die meisie van sy drome en sonskyn en biltong. Hy slaan sy klein silwer Bybeltjie oop en lees die “mossie” boodskap en bid vir die soveelste keer vir werk! Vroeg die volgende oggend lui sy telefoon en dis die oproep waarvoor hy gewag het, hy spring op die eerste trein en begin met ʼn lang dag se onderhoude. Moeg maar gelukkig en met ’n permanente werk klim hy weer laatmiddag op die trein.
Toe hy inklim sien hy ’n muntstuk op die vloer lê, hy tel dit op, en daar op ’n trein in Londen hou hy ’n Suid-Afrikaanse 1c in sy hand, met ’n mossie agter op. Hy vertel dat die wêreld rondom hom gaan stil staan het, dat hy besef het dat God daar by hom op die trein is en dat gebed sy waarborg is in hierdie stukkende wêreld.
Vandag ’n paar jaar later, skud ek my beursie uit. Ek sit ʼn 1c neer vir my vriendin met borskanker, nog ʼn 1c vir huwelike wat sukkel, ’n 1c vir iemand na aan my hart se werksomstandighede, vir enkel ouers en weduwees, en ek besef die mossie boodskap is dalk net een versie in ’n dik Bybel, maar ’n Almagtige, liefdevolle God staan agter dit!

Here, dankie, dat daar altyd hoop is. Dankie, vir bakens langs die pad wat ons help om geduldig te wees, terwyl ons wag vir U, om op die perfekte tyd ons omstandighede te verander.
Geseënde “mossie” dag vir jou.

Wat doen ons met die seer?

Ons vergeet maklik dat God in beheer is en word dan so maklik gefrustreerd met die lewe om ons. Elke teleurstelling en teëspoed word vir ons ‘n irritasie omdat dit nie volgens ons plan uitgewerk het nie. Ons verwag te maklik dat alles om ons lewens draai en dat ons so graag ‘n sukses wil wees, maar wat beteken sukses nou werklik?

Ek was vandag weer herinner aan ‘n storie “The Tablecloth” waar een persoon se teleurstelling en goddelike ingryping ander mense se lewens geraak het. Ek dink net dat ons elke nou en dan moet besef dat die lewe nie oor ons suksesse gaan nie, maar oor God se plan vir ons lewens en hoe dit ander mense beïnvloed. Ons fokus ten opsigte van hierdie waarheid bepaal hoe ons teenoor ander mense sal reageer wat naby ons is op daardie oomblik as gevolg van ‘n spesifieke gebeurtenis. God gebruik dit om ons lewens te verryk en so ook ander mense wat dit nog meer nodig het. Daar was ‘n artikel geskryf, “What do we do with suffering“, deur Jay Adams wat ook meer lig hier op werp.

Mag ons Here en Verlosser vir ons oop oë gee in situasies soos hierdie, sodat ons Hom vir ander mense kan wys.

Die Belangrikheid van Gemeenskap

Ons land se reëls en regulasies is so min Suid Afrikaans as wat jy kan kry. Die opstellers daarvan was internasionaal en het geen idee gehad wat Suid Afrikaans is nie. Ek voel dat Suid Afrikaans tog in onsin weerspieël moet word, al is ons ‘n redelike nuwe Suid Afrika.

Ek het lank terug gesê dat iemand ‘n boek moet skryf getitel “Hoekom ubuntu Suid Afrika verlaat het saam met apartheid”. Ubuntu is ‘n Afrika term vir ‘n kwaliteit wat die noodsaaklike menslike deugde insluit soos deernis en menslikheid. Dit kommunikeer die belangrikheid van gemeenskaplike verhoudings, respek, gemeenskap, waardes en verantwoordelikhede netjies verpak in godsdiens. Dit verteenwoordig eenheid, want ‘n persoon is slegs ‘n persoon deur die gemeenskap. Dit beteken dat die gemeenskap jou ouer, leermeester, vriend en ondersteuning is. Ja, en daar is dit, ons mense soek vryheid om te doen wat hulle wil en hoe minder reëls en regulasies daar is hoe beter, hul wil nie deur ander iets geleer of gesê word nie. Ek verstaan ware vryheid as volle kennis, aanvaarding en besitneming van die reëls en regulasies. Vrees en frustrasie kom waar hierdie ware vryheid ontbreek.

As Christene word ons geroep tot ubuntu – Jesus en Paulus het baie gepraat van die gemeenskap van gelowiges. Ons moet as een liggaam kan funksioneer en Jesus as ons hoof kan aanvaar, respekteer en gehoorsaam. Ubuntu is dalk ‘n Afrika term, maar dit kom vanaf die Joodse leringe wat na Etiopië versprei het gedurende die tyd wat Salomo koning van die Jode was. In latere jare het dit verder en verder suid versprei tot in Suid Afrika en Lesotho.

Ek was bevoorreg gewees om in die platteland groot te word waar gemeenskap belangriker was as in die stad en het geleer van die rol wat gemeenskap speel. Ons is almal aanmekaar gekoppel, die een aan die verbind. Ek sê altyd aan my leerders dat dit wat jy in die donker onder jou bed doen jou verhouding met ander om jou beïnvloed.

Gemeenskap is belangrik en huidiglik wil niemand dit erken nie, maar dit is besig om meer en meer uit te rafel, huisgesinne val uitmekaar en meer kinders as ooit vantevore raak verlore in die samelewing (of is dit nou alleenlewing). Ek besef dat die hele samelewing nie ‘n perfekte eenheid kan vorm nie, maar as kinders van God kan ons daarna streef. As elkeen van ons ons verhouding met God as die belangrikste in ons lewens beskou sal dinge reeds verander. Wanneer ons by God wil wees, Hom wil aanhang, afhanklik van Hom wil wees, lief vir Hom wil wees, Hom wil geniet, Hom wil behaag, dan het ons Hom lief met ons hele wese, bly ons in Hom, bly ons in Sy liefde, bly ons in Christus en is ons vervul met Sy Gees (geïnspireer deur Rebecca se skrywe). Omdat God ‘n hart het vir alle mense glo ek dat sosiale geregtigheid binne-in ons liefde vir God verborge is. Dus gee ons om vir ander mense, die vernederde, die verlore, die uitgelate, ons naaste, omdat ons God liefhet. Hierdie liefde word dan ook deur ons dade en woorde sigbaar. Sodoende kan ons die gemeenskap herstel wat besig is om uitmekaar te val.

Matthéüs 22:34-40, Johannes 15:7

Wie was jou wonderwerk vandag?

Ons het elke dag ‘n ietsie nodig om ons fokus weer op God te plaas, weg van die alledaagse probleme. Daar is dan daardie persoon, meeste van die tyd onverwags, wat vir jou daardie ietsie sê of doen wat alles in jou binneste skud en jou oë weer net op Hom vestig.

Dit is daardie mense wat my wonderwerke is…

Eenvoud van geloof

Die struktuur van ons geloof bestaan hoofsaaklik uit twee dele wat dit vorm gee. Hierdie twee dele is oortuiging en vertroue. Ons glo in die mate wat ons oortuig is van en die mate wat ons vertrou. Geloof, volgens Jesus (Matteus 8:26, 14:31, 15:21), wissel in grootte. Dus, hoe meer ons oortuig is van ‘n saak en hoe meer ons daarin vertrou hoe groter is ons geloof. Ons geloof bepaal ook dan ons aksies en optredes.

‘n Eenvoudige voorbeeld kan hierdie dalk beter uitbeeld. Jy gaan kuier by mense vir die eerste keer en kom in ‘n onbekende vertrek in. Hulle nooi jou uit om te gaan sit. In die vertrek staan ‘n paar stoele en ‘n stukkend bank. Jy kyk vinnig rond, kies ‘n stoel en gaan sit. Jy het die stoel gekies omdat jy oortuig is en vertrou dat die stoel nie gaan breek as jy daarop gaan sit nie, anders sal jy gesê het dat jy liewer wil staan of op die vloer wil sit.

Oortuigings is dit wat volgens jou absoluut waar is en vertroue is die betroubaarheid en vermoëns wat jy put uit jou oortuigings en saam gee dit vir jou geloof.

Dus skenk geloof ons die dryfkrag, vermoë, houding en waardes vir ons aksies, reaksie en optredes. Die grote van ons geloof kan dus waargeneem word in ons lewens en hoe ons dinge doen.

Praat met die grond!!!

Een middag het ‘n groep van ons saam gebid. Een van die dames, betrokke by die ontwikkeling van spesifieke lands gebiede, het gesê dat God haar geleer het om met die grond te praat.

Nadat sy dit gesê het, het ek gedink aan Jesaja 55:

Want soos die reën en die sneeu van die hemel neerdaal en daarheen nie terugkeer nie, maar die aarde deurvogtig en maak dat dit voortbring en uitspruit en saad gee aan die saaier en brood aan die eter; so sal my woord wees wat uit my mond uitgaan: dit sal nie leeg na My terugkeer nie, maar doen wat My behaag en voorspoedig wees in alles waartoe Ek dit stuur (Jesaja 55:10-11).

Ons is die grond wat die woord van God ontvang deur die reën en sneeu vanuit die hemel, dit maak ons nat en stel ons instaat om voort te bring en uit te spruit. So sal die Woord die plan wat God vir ons het suksesvol uitvoer. Ons moet net gereeld ons ‘grond’ (liggame) herinner aan die plan van God, deur die woord te lees en daaroor te mediteer, sodat ons die God van hoop in elke situasie van elke dag kan ontvang!

En mag die God van die hoop julle vervul met alle blydskap en vrede deur die geloof, dat julle oorvloedig kan wees in die hoop deur die krag van die Heilige Gees! (Romeine 15:13).

Onthou ook om met jou omgewing te praat, jou situasies en vrese en selfs dit te herinner aan die plan van God. Sodanig maak jy dit ook onderdanig aan die Woord van God. Hierin neem jy dan aktief deel in die plan wat God vir jou lewe het.

Nee, ons veg met wapens, maar dit is nie wapens van die wêreld nie. Hierdie wapens het baie krag omdat dit God se wapens is, ons kan die vyand se sterk mure afbreek met daardie wapens. Ons breek die vyand se slim woorde af. Mense dink dinge wat keer sodat hulle nie vir God kan leer ken nie, en hulle is trots wanneer hulle so dink. Maar ons breek alles af wat hulle dink. Ja, ons maak gevangenes van alles wat mense dink sodat die mense gehoorsaam kan wees aan Christus (2 Corinthians 10:4-5)[ABA].

 

Gesindheid van volharding

Ons sê maklik dat die ”aanhouer wen”, maar tog as dit by ons geloof kom gee ons so maklik op.

Ons vra God vir inspraak en hulp, maar ons is halfhartig in die uitvoer en uitleef van wat ons glo. Hierdie halfhartigheid staan in werklikheid in die pad van volkome vryheid, sukses, seën, vervulling en oplossing (2 Konings 13:17-19).

Verder sê hy: Neem die pyle. En hy het dit geneem. Toe sê hy vir die koning van Israel: Slaan teen die grond! En hy het drie maal geslaan en opgehou. Daarop word die man van God baie kwaad vir hom en sê: Jy moes vyf of ses maal geslaan het; dan sou jy die Arameërs volkome verslaan het; maar nou sal jy die Arameërs drie maal verslaan (2 Konings 13:18-19).

As ons dan kies om in volle oorgawe te lewe in dit wat ons glo en vanaf God ontvang, word ons in staat gestel om lewe, seën, vervulling, oplossing en wat ook al nodig is te spreek in elke situasie, ervaring, probleem en verwoesting wat in ons persoonlike lewe, in die lewe van ander mense en in ons land is (Jesaja 55:9-11). Ons sal dan soos Eségiël lewe kan spreek oor die dooie of verwoeste situasie (Eségiël 37:1-14).

God gebruik nie volmaakte mense nie, anders sou Hy slegs vir Jesus kon gebruik het. Hy gebruik onvolmaakte mense wat kies om in volle oorgawe tot Hom te lewe.

Geseënd is die man wat op die HERE vertrou, en wie se vertroue die HERE is. Want hy sal wees soos ‘n boom wat by die water geplant is en sy wortels uitskiet by die stroom en nie vrees as daar hitte kom nie, maar sy blad bly groen; en in ‘n jaar van droogte is hy nie besorg nie en hou nie op om vrugte te dra nie. Ek, die HERE, deursoek die hart, toets die niere, om aan elkeen te gee na sy weë, volgens die vrug van sy handelinge (Jeremia 17:7-8,10).

Ewigheidsvisie

Het jy ‘n ewigheidsvisie en verstaan jy die belangrikheid daarvan?

Daar was ‘n man gewees wat sy ewigheidsvisie verloor het. Hy was lid gewees van ‘n span wat na lande wat deur hongersnood en natuurrampe geteister was gaan bedien het. Hy het daar gesien hoe ‘n ma God smeek om haar en haar kind te red, maar hulle was reeds te swak gewees weens die hongersnood. Nadat hulle gesterf het, het hy begin twyfel aan God se ewigheidsplan. Kort daarna het hy geskryf dat hy nie meer kan glo en vertrou op ‘n God wat nie ingryp wanneer ‘n ma Hom smeek vir haar kind nie.

Ja, dit is verseker tragiese gebeure, maar waar staan God? Kyk Hy maar net toe hoe die mensdom ly en swaarkry? NEE! God het ‘n ewigheidsvisie.

So sal my woorde wees wat uit my mond kom, dit sal doen wat Ek wil hê. My woorde sal doen wat Ek gesê het hulle moet doen, my woorde sal nie leeg na My toe terugkom nie (Jesaja 55:11).

 

God dink en doen ver bo wat die mens kan dink en doen, dit kan vergelyk word met hoe ver die hemel bo die aarde is (Jesaja 55:9).

 

Woorde kan mense laat sterf of dit kan mense laat lewe. As jy baie praat, dan kan daar goeie of slegte dinge met jou gebeur (Spreuke 18:21).

Ons moet vasklou aan ons ewigheidsvisie en ons woorde moet daardie visie beskryf in plaas daarvan om die slegte en negatiewe situasies en ervaringe te beskryf. Ons moet dus ons woorde gebruik om ons ervaringe en situasies te verander tot iets goed. Ons moet onthou dat ons woorde skeppings mag het en ons dus die oplossings en antwoorde tot alles moet spreek.

Ewigheidsvisie beteken dus om lewe, seën, vervulling, oplossing ens. te sien en te spreek soos ‘n profeet van God (1 Petrus 2:9).

Ons moet ook kort kort herinner word aan God se ewigheidsvisie om ook ons eie visie te verewig:

Ek weet een ding is seker: My losser lewe en Hy sal wen op hierdie aarde. Ek het nie meer vel oor my liggaam nie, maar ek sal vir God sien terwyl ek nog lewe (Job 19:25-26).

 

Baie mense wat nou in hulle grafte slaap, sal wakker word. Party mense sal altyd lewe, en God sal party mense vir altyd verneder (Daniël 12:2).

 

Julle moenie verbaas wees hieroor nie. Daar sal ‘n tyd kom wanneer almal wat nou klaar dood is en in hulle grafte lê, sal hoor dat die Seun hulle roep. Almal wat reg gelewe het, sal uitkom uit hulle grafte. Hulle sal weer begin lewe sodat hulle die ewige lewe kan kry. Almal wat sleg gelewe het, sal weer begin lewe sodat die Seun hulle kan oordeel (Johannes 5:28-29).

 

Vriende, ons is nou kinders van God. Ons weet nog nie presies hoe wonderlik ons eendag sal wees nie, maar ons weet dit: Wanneer Jesus kom, dan sal ons wees soos Hy, want ons sal Hom sien soos Hy regtig is (1 Johannes 3:2).

 

Ja, ek sê dit weer: As die mense wat gesterf het, nie weer sal lewe nie, dan het God ook nie vir Christus weer laat lewe nie. En as God nie vir Christus weer laat lewe het nie, dan beteken julle geloof niks, dan is julle nog nie vry van julle sondes nie. Dan het die mense wat aan Christus behoort het en gesterf het, verlore gegaan. As ons hoop dat Christus ons red net vir hierdie lewe op die aarde, dan moet al die mense baie jammer wees vir ons. Maar nee, God het vir Christus weer laat lewe, dit is seker. Christus is die eerste Een van almal wat gesterf het, en God het Hom weer laat lewe. ‘n Mens, Adam, het gesterf, en van toe af het almal in die wêreld gesterf. Maar nou het God ‘n ander Mens, Christus, weer laat lewe, en daarom sal al die gelowiges wat gesterf het, ook weer lewe. Ons is almal die nageslag van Adam, daarom sterf ons almal. Maar ons behoort ook aan Christus, en daarom sal God ons ook almal weer laat lewe (1 Korintiërs 15:16-22).

Wie is Hy nou eintlik…

Ons wêreld word so elke nou en dan geskud oor hierdie “Man” Jesus. Onlangs het die Pous van die Roomse Katolieke Kerk genoem dat Jesus ‘n fout gemaak het of moontlik dronk was toe Hy gesê het Hy kom weer terug, omdat meer as 2000 jaar verby is sonder Sy terugkeer.

Ons moet glo dat Jesus die Here en Verlosser is, maar die verwarring wat geskep is deur woorde soos die van die Pous het die ware betekenis van Sy lewe uitgedoof.

Jesaja het hom beskryf as Wonderbaar, Raadsman, Almagtige God, Ewige Vader, Vredevors (Jesaja 9:6). Johannes het geskryf dat Hy met God was in die begin (Johannes 1:1-4), Hy is die Woord wat mens geword het (Johannes 1:14), Hy is die Lig van die Wêreld (Johannes 1: 4-5; 9: 5), Hy is die Goeie Herder (Johannes 10:14) Hy is die Weg, die Waarheid, die Lewe (Johannes 10: 9), die Brood van die Lewe (Johannes 6:35) en die opstanding (Johannes 11:25-26). Paulus beskryf hom as die Hoof bo alle dinge (Filippense 2:9-11), Middelaar tussen God en die mens (1 Timoteus 2:5) en die beeld van die onsienlike God (Kolossense 1:15-17). Lukas noem Hom die Gesalfde van God (Lukas 4: 18-19) en Geneser (Lukas 5: 22-25).

Tog beteken hierdie woorde vir ons niks as ons dit nie glo en ons eie maak nie. Ons moet streef om soos Jesus te wees en glo wat die Bybel sê van Die Heilige Gees, van Jesus en van God die Vader.

Die Israeliete het God geken as “Die God van Abraham, Isak en Jakob” en hulle het presies geweet wie Hy is en wat Hy vir hul gedoen het. As hierdie woord dus vir jou ook leeg is en geen betekenis het nie, het jy die waarheid van Jesus verloor of nooit geken nie.

Vra dan gerus “Wie is Hy nou eintlik?”

Ken jy God en Jesus werklik?

Het “Die God van Abraham, Isak en Jakob” enige betekenis vir jou?
Die Israeliete het hom so geken en presies geweet dat Hy:
die Skepper van alle dinge is,
die Verlosser van die wêreld is,
die God is wat vir Abraham ‘n seun op die ouderdom van’ n 100 jaar gegee het,
die God is wat Isak en Jakob se families gered van hongersnood,
die God is wat Sy volk uit Egipte gered het,
die God is wat Sy volk deur die Rooi See geneem het,
die God is wat Sy volk deur die woestyn gelei het,
die God is wat Sy volk deur die Jordaan rivier geneem het,
die God is wat Sy volk in die seëninge en beloftes wat Hy vir hul gehad het ingelei het…

Hierdie woorde beeld God se grootheid en almagtigheid uit en is saamgevat in Sy naam, “Die God van Abraham, Isak en Jakob” wat sy volk in verwondering en bewondering gebring het, en daarom aanbid hulle Hom vir wie Hy is.

Jy moet dit van God vir jouself ontdek, dit wat die wêreld laat stil staan om jou as jy net daaraan dink. Dit maak jou bewus van Sy heerlikheid en almagtigheid, en skreeu Sy liefde en beskerming en Sy genade en waarheid uit diep in jou binneste, dit wat Hom ‘n werklikheid vir jou maak…

Ons kan nog steeds vra “Wie is Hy nou eintlik”

Om Hom werklik te ken en te verstaan sal jy in verhouding met Hom moet wees.

Die storie van die Pous was nou nie waar nie, maar ń verdraaiing van wat hy gesê het. Die verteenwoordiger wat kastig die verdraaide storie aan die pers oorgedra het bestaan nie eers nie. Tog het hierdie storie soos ń veldbrand versprei.

As gebeure soos die ons pla en omkrap as Christene wat beteken dit dan?

Dit is nie werklik ń maatstaf wat jy kan gebruik om te sê dat jy in verhouding met Hom is nie. Volgens die Bybel is verhouding ń ooreenkoms wat gesluit word tussen twee partye. Byvoorbeeld tussen jy en jou man met wie jy getroud is, daar is ń wetlike ooreenkoms wat gesluit was om jul verhouding te bevestig. Net so moet ons in verhouding met Hom gaan volgens ń wetlike ooreenkoms. Die voorskrifte van hierdie ooreenkoms vind ons in die Bybel en moet dus deel word van ons verhouding met Hom. Dus om in verhouding met Jesus te wees moet ons ook kies om dit te doen volgens die voorskrifte van hierdie ooreenkoms.

Gebed:
Heilig en Almagtige Vader,
Heerlike en wonderlik is U Naam!
God, ek het U nodig,
Maak oop my oë, my ore, my gedagtes, my hart,
Sodat ek mag weet, verstaan en begryp,
Dat ek meer en meer van U kan sien en hoor.
Kom openbaar Uself aan my daagliks,
Wees vir my ‘n tasbare God,
‘n God wat vir my eg is …
Wees my God en Verlosser vandag.
Ek bid in Jesus Naam.
Amen